गजल

Home

Literature

गजल

Written/Posted by कृष्ण के श्रेष्ठ "काल्स" Friday, 08 April 2011 10:55

( 0 Votes )

चकमन्न अँधेरिको रात भए पुग्छ मलाई
चाहिदैन माया तिम्रो साथ भए पुग्छ मलाई

फूलिराख्नु फूल भै जुनीजुनी सम्म तिमि
कुहिएर झरिजाने पात भए पुग्छ मलाई

एकान्तमा एक्लै म टोलाएर बस्नुभन्दा
तिम्रो याद भुल्नलाई मात भए पुग्छ मलाई

जिन्दगीमा हसिखुसी तिमिबिना जीउनलाई
घृणासरि गरिएका बात भए पुग्छ मलाई

मेरोलागि अलिकति चोखोमाया दिन्नौ भने
मायाहैन बिश्वासमा घात भए पुग्छ मलाई